Најмалку шестмина загинати во последните руски напади врз Украина

Најмалку шест лица загинаа, од кои две деца, а 17 се повредени во последните руски напади врз Украина, соопшти украинскиот претседател Володимир Зеленски.

Тој истакна дека „обични градови беа под оган, првенствено енергетската инфраструктура, но погодени се и многу станбени згради“. Зеленски информира дека како резултат на нападите имало пожари во Запорожје и Киев, а нападнати биле и регионите Киев, Одеса, Чернихив, Дњепар, Кировоград, Полтава, Виница, Запорожје, Черкаси и Суми.

-Уште една ноќ докажува дека Русија не чувствува доволен притисок … Руските зборови за дипломатија не значат ништо сè додека руското раководство не почувствува критични проблеми. А тоа може да се обезбеди само преку санкции, опрема за долг дострел и координирана дипломатија меѓу сите наши партнери. Крајно време е Европската унија да усвои силен пакет санкции. Исто така, сметаме на силни санкциони мерки од САД и Г7, од сите оние кои бараат мир. Многу е важно светот да не молчи сега и да има обединет одговор на подмолните напади на Русија, напиша Зеленски на социјалните мрежи.

Тој нагласи дека сите кои сега ѝ помагаат на Украина со системи за противвоздушна одбрана и ракети за нив, спасуваат животи. Благодарни сме за тоа.

-И секој што ѝ помага на Украина со опрема за долг дострел ќе го доближи крајот на војната, додаде Зеленски.

Градоначалникот на Киев, Виталиј Кличко соопшти дека во руските напади врз главниот град и околината загинале две лица. Повредени се повеќе лица од кои четворица возрасни и три дека во моментов се хоспитализирани.

МИА