Зголемен број интервенции регистрира кумановската Итна помош
Службата за итна помош Куманово регистрира за 10 до 15 проценти зголемен број интервенции, откако температурите се искачија над 30-тиот степен, информираа денеска лекарите од оваа здравствена установа. Најчесто помош бараат хронично болните лица.
- Често ни се јавуваат пациенти кои имаат симптоми зголемен крвен притисок, повраќање и гадење, изјави доктор Дејан Димчевски од Итна Помош, Куманово.
Лекарите ги советуваат хронично болните пациенти редовно да ја земаат пропишаната терапија, да не излегуваат на сонце во периодот од 10-17 часот, доколку излегуваат да носат лесна и светла облека и да внесуваат течности.
Во овој период често се јавуваат и пациенти кои бараат помош и за цревни заболувања.
- Најчесто станува збор за деца, но заболуваат и повозрасни лица. Симптомите се дијареа, општа малаксаност, гадење, повраќање, вртоглавица и главоболки, вели доктор Димчевски.
Високото ниво на лична хигиена, обилно миење на овошјето и зеленчукот, правилно чување на храната се превентивните мерки за заштита од ова заболувања, велат лекарите од Итна Помош, Куманово. Што се однесува до лицата кои патуваат на одмор, лекарите од Итна Помош посочуваат дека граѓаните треба со себе да носат вода и овошје и за време на патувањето да избегнуваат да јадат брза храна и слатки.
Популарно од Македонија
Ново на Сител
-
Мицкоски: СДСМ ако најде еден мигрант до пролет, јас трајно ја напуштам политиката
-
Инвертер климите доминираат над природниот гас: Поефикасни, побезбедни и поисплатливи
-
Приведени тројца бугарски државјани кои биле затекнати со делови од македонски народни носии
-
Сиљановска Давкова за можен прием на мигранти: Колку што сум информирана од британскиот амбасадор и од Владата тоа не е точно
-
Промени во раководството на ВМРО-ДПМНЕ, па до мај реконструкција на Владата и смени во дел од државните институции, најави Мицкоски
-
Алиу го презентира напредокот на националниот систем за трансплантација и реализацијата на инфраструктурните инвестиции во здравството
-
Сиљановска Давкова: Родово одговорното буџетирање овозможува реална проценка и поправедна распределба на јавните средства
-
Кривична за 24-годишна девојка, управувала возило со 126 километри на час на место каде е ограничено 50
