Зеленски: Војната со Русија е во нова фаза со почетокот на зимата
Украинскиот претседател Володимир Зеленски изјави дека војната со Русија е во нова фаза, а зимата се очекува да ги комплицира борбите по летната контраофанзива која не ги даде посакуваните резултати поради постојаниот недостиг на оружје и копнени сили.
Сепак, и покрај неуспесите, Зеленски рече дека Украина нема да се предаде. „Имаме нова фаза од војната и тоа е факт“, рече Зеленски во интервју за Асошиетед прес, дадено во Харков, североисточна Украина.
„Зимата е генерално нова фаза на војна“, изјави тој.
Запрашан дали е задоволен од резултатите од контраофанзивата, тој не даде дефинитивен одговор.
„Видете, ние не отстапуваме, јас сум задоволен. Се бориме со втората (најсилна) армија во светот, јас сум задоволен“, рече тој, мислејќи на руската војска.
Но, тој додаде: „Губиме луѓе, не сум среќен. Не го добивме целото оружје што го сакавме, не можам да бидам среќен, но не можам премногу да се жалам“.
Зеленски, исто така, изрази загриженост дека војната меѓу Израел и Хамас се заканува да го засени конфликтот во Украина, бидејќи конкурентните политички агенди и ограничените ресурси го ставаат на ризик протокот на западна воена помош за Киев.
Долгоочекуваната контраофанзива, поддржана од десетици милијарди долари западна воена помош, вклучително и тешко вооружување, не ги донесе очекуваните резултати.
Ново на Сител
-
Три куќи изгореа во пожар во Злокуќани, двајца пожарникари побарале лекарска помош
-
Општинските власти бараат поригорозни санкции за пироманите
-
Дали ќе има нови мерки за високите цени?
-
Зголемени наплати, спречени обвиди за шверц – успешна година зад Царинската управа
-
Прилеп ќе добие Центар за дневен престој на стари лица со активно стареење
-
Преглед на вестите од светот
-
Тема на денот со Марјан Ѓорчев, поранешен амбасадор во Софија
-
Монструозно двојно убиство и самоубиство во Прилеп