Зеленски: Мир со Русија може да биде постигнат само со наша победа на бојното поле во Украина
Украинскиот претседател, Володимир Зеленски, вчера изјави дека единствениот услов под кој е можно да се постигне мир со Русија е победа на бојното поле во земјата, пренесе агенцијата УНИАН, повикувајќи се на неговата изјава за време на посетата на селото Јагодно во областа Чернихивска.
-На кој начин може да се постигне мир со Русија? Само со победа на бојното поле во нашата земја ..... да се запре Руската Федерација, рече Зеленски.
Според него, во спротивно, по Украина, Русија ќе тргне кон Европа.
-Веќе можете да го видите резултатот од тоа што окупаторите им го прават на градовите во нашата земја, кажа украинскиот претседател.
Зеленски истакна дека за да ја постигне оваа цел, на Украина и треба се што нејзините партнери имаат и можат да обезбедат како помош во оружје и муниција. Тој изрази благодарност до сите партнери за веќе дадената поддршка, која ќе помогне да се спасат животите на Украинците.
Претседателот Зеленски престојуваше во селото Јагодно, во северниот украински регион Чернихив, за да им оддаде почит на храброста на речиси 400-те жители кои Русите ги држеа 27 дена во подрум од локално училиште, пред да бидат ослободени, јавија британските медиуми.
Зеленски во посетата на Јагодно беше придружуван од германскиот вицеканцелар Роберт Хабек и генералниот секретар на Советот на Европа Марија Пејчиновиќ-Буриќ.
Во текот на изминатите две недели, Зеленски посети неколку локации на фронтот во Украина.
Ново на Сител
-
Зеленски: Русија употреби 50 ракети, 3.270 дронови и 1.370 бомби оваа недела
-
Матео Мекачи шеф на набљудувачката Мисија на ОДИХР: Не е битен само изборниот ден, туку и предизборните процеси, како и тие по изборите
-
ЈОРСМ: До овој момент генерално мирно и без поголеми нарушувања на изборниот процес
-
Локални избори 2025, вести во 12:00 на Сител Телевизија
-
Пожар во куќа во Драчево
-
Прегазена 74-годишна жена во Ресен
-
Израелската војска почна напад врз Газа, јавија израелските медиуми
-
Во Битола до 11 часот гласале 10,66 проценти од избирачите