Завршена првата фаза од изградбата на патниот правец Теранци-Кучичино
По завршувањето на подготвителните активности, механизацијата на Јавното претпријатие „Македонија пат“ денеска започна со асфалтирање на патниот правец Теранци-Кучичино во општина Чешиново-Облешево, која е дел од регионалниот патен правец Виница–Штип.
- Должината на овој патен правец изнесува 3 километри со 4 метри широчина, а неговата изградба ќе се реализира во две фази од кои првата ќе биде завршена до крајот на оваа недела, а со втората фаза се очекува да се започне во месец јуни со која и овој пат ќе биде комплетно завршен. Изградбата на овој пат е од огромно значење за жителите на нашата општина. Со него ќе се намали сообраќајот кој се одвива по магистралниот пат А3, а воедно ќе се скратат и изминатите километри до соседните општини, изјави Костадин Личков, градначалник на општина Чешиново-Облешево.
Изградбата на делницата Теранци - Кучичино е дел од програмата на Јавното претпријатие за државни патишта на Република Македонија за изградба на регионална делница во истокот, која ќе ги поврзува општините Штип, Карбинци, Чешиново-Облешево, Зрновци и Виница. Со изградбата на овој пат Истокот ќе добие комплетно нов алтернативен регионален пат Виница - Штип.
Ново на Сител
-
Тема на денот со Лилјана Поповска
-
Гордана Силјановска Давкова положи заклетва во Парламентот и ја презеде функцијата претседател
-
Гордана Силјановска Давкова положи заклетва во Парламентот и ја презеде функцијата претседател
-
Ни Северна, ниту Република: Силјановска се заколна во Македонија - стигнаа реакциите
-
Борисов: Мицкоски ми е добар пријател, го повикувам да престане да зборува, изборите поминаа
-
Дали градинките не треба да примаат родители на завршните приредби поради голема кашлица?
-
Македонските водичи бараат поголеми контроли од инспекторите
-
Националната мрежа на земјоделци бара системски решенија за македонскиот аграр