Македонија
10. March 2016 - 15:26

Затворен патот кон Македонска Каменица и Делчево поради огромни одрони од камења

Затворен за сообраќај магистралниот пат кон македонско-бугарска граница од виничкото село Истибање кон Македонска Каменица и Делчево поради огромни одрони од камења кои се уште паѓаат на коловозот.

Техничкиот директор на Регионална подружница Штип на ЈП „Македонија пат“ Кире Коцев, јави дописникот на МИА, вели дека во моментов се паднати околу 200  метри кубни огромни карпи.

- Континуирано паѓаат камењата на истото старо слечиште кое што го имавме и минатата година. На истото место на магистралниот пат виничко село Истибање, Македонска Каменица. Наши екипи со градежна механизација сме овде на терен и се додека паѓаат камењата неможеме да го расчистуваме патот, вели Коцев.

Сообраќајот кон општините Македонска Каменица и Делчево се пренасочува регионалниот пат од Виница до Берово.

Повеќе детали с енајавуваат во текот на денов.

Поради врнежите од дожд во источниот реигон зголемен е и водостојот на реката Брегалница и на нејзините притоки.

Од општина Штип велат дека континуирано ја следат состојбата со реката Брегалница за да не дојде до нејзино излевање низ населбите каде што поминува.