Закажано судење за убиствата
На 30 јули ќе почне судскиот процес за убиството на 14 годишната Вања и 74 годишниот Панче.
Осум месеци по апсењето на групата и одобрувањето на обвинителниот акт обвинетите ќе се соочат со аргументите на ЈО.
Извесно е дека ЈО за нив ќе бара доживотна казна затвор. Исклучок е таткото на Вања кој според обвинението помогнал во грабнувањето, дело за кое максималната предвидена казна е 10 години затвот.
Неговиот адвокат за Сител вели дека се подготвува за главната расправа.
„Како можен датум од судот е најавен 30 јули. Покана не сум примил но во секој случај се подготвувам за првата главна расправа во термин што ќе го закаже судот и во таа смисла го одложив годишниот одмор имајќи ја предвид сериозноста на овој кривичен предмет и интересот во јавноста“, вели адвокатот на Ѓорчевски.
Судскиот процес ќе го води судијата Ивица Стефановски, истиот судија кој го водеше процесот за убиството на момчињата кај Смилковското Езеро познат како „Монструм“. Истиот судија ги судеше и предметите „Пуч“ и „Поткуп“ во кои обвинет беше поранешниот премиер Заев како и случајот против „Беса Транс“ чии патници загинаа во несреќа во Бугарија.
Истрагата за Љупчо Палевски Палчо кој од останатите обвинети беше посочен као организатор и директен извршител на убиствата се уште трае откако беше екстррадиран од Турција.
Доколку истрагата заврши и се поднесе обвинение против него, извесно е спојување на двата предмета во еден.
Телото на Вања беше пронајдено на 3 декември лани по исцрпна истрага и силна вознемиреност кај јавноста од нејзиното исчезнување додека девојчето било на пат кон училиште.
Ново на Сител
-
Делови од Аеродром, Арачиново и Гази Баба вечер без струја
-
Пронајдено телото на Шукр во предградие на Бејрут
-
Лидерите на косовските опозициски партии се согласија парламентарните избори да се одржат на 26 јануари 2025
-
Големи пожари во Измир, евакуирани жители на две населби
-
Србија до 2027 година ќе биде подготвена за полноправна членка на ЕУ, тврди српскиот министер за надворешни работи
-
Османи не го прими Коњуфца на консултациите за идните избори: Поканата беше само за партиските лидери
-
САД замрзнаа 95 милиони долари помош за Грузија поради „антидемократски акции“
-
Тошковски: Ќе се процесуираат сите решенија донесени по завршување на изборите до именување нови владини членови