Србија до 2027 година ќе биде подготвена за полноправна членка на ЕУ, тврди српскиот министер за надворешни работи
Српскиот министер за надворешни работи, Марко Ѓуриќ во изјава за италијанската агенција Нова вели дека државата ќе биде подготвена да стане полноправна членка на Европската унија до 2027 година, пренесе Бета.
– Нашето стратешко позиционирање и патот по кој чекориме е полноправно членство во Европската Унија. До 2027 година Србија ќе ги заврши сите суштински политички, институционални, економски и правни реформи. И таа ќе биде подготвена да стане дел од европското семејство – изјави Ѓуриќ
Тој, сепак, предупреди дека полноправното членство подразбира и „целосен и еднаков пристап до изборните права и процесите на донесување одлуки“, како и споделени должности и одговорности.
– Со други зборови, ние не сакаме да бидеме европски Порторико – додаде Ѓуриќ во интервјуто објавено денеска.
Ѓуриќ рече и дека Србија внимателно ги следела резултатите од изборите во ЕУ и дека новиот состав на Европскиот парламент „секако е можност да се изгради нова мрежа на пријатели“.
Ново на Сител
-
Пожарот во Националниот парк Дрина се шири и се приближува до куќи
-
Со возило на авто-школа удрен па истепан малолетник, а потоа нападната и неговата мајка
-
Воздухопловен ВИНГ - 32 години во служба на државата и гарант за воздушната независност
-
Мицкоски: Исправени пред нова борба, еднакво значајна како создавањето на татковината
-
Локалните власти прогласија вонредна состојба поради пожарите кај Сребреница
-
Почна свечената академија по повод Денот на независноста - 8 Септември
-
Либија: Уапсен командант на милиција по убиството на криумчар на луѓе
-
Приведен криминалец баран со потерница за казна затвор од три години