Захарова: Без помошта од Запад режимот на Зеленски нема да издржи ниту еден ден

Портпаролката на руското Министерство за надворешни работи, Марија Захарова, денеска на прес-конференција го обвини украинскиот претседател Володимир Зеленски дека прави „сè што му диктира Западот“ и со тоа „продолжува со воените операции до последниот Украинец“.

-Зеленски е подготвен да ги жртвува животите на своите граѓани сè додека пристигнува финансиска и воена помош од Западот. Без неа, властите во Киев нема да издржат ниту еден ден, рече таа.

Да потсетиме, според анкетите на јавното мислење, огромното мнозинство Украинци го поддржуваат начинот на кој Зеленски ја води Украина од почетокот на руската инвазија.