Заев: Процедурална грешка го врати „Поткуп“ во Основниот суд
Поради процедурална грешка случајот „Поткуп“ е повторно вратен во Основниот суд - Скопје 1. Не е одлучено за видео-снимката, дали да се тргне или не, но јас сакам да биде комплетно објавена, изјави денеска премиерот Зоран Заев.
Одговорајќи на новинарски прашања по средбата со децата од СОС Детско село и Домот „11 Октомври“, Заев напомена дека за причината за враќањето на „Поткуп“ во Судот, е информиран од неговиот адвокат.
- Поднесовме барање снимката да биде тргната зашто е посебна истражна (ПИ) мерка која е јавно објавена, што е недозволиво. Согласно законот, сите ПИ мерки кои морало да бидат чувани, а се јавно објавени, бараме да не се користат како докази, потенцира Заев.
Премиерот вели дека се што е направено во однос на изборот на членовите на надзорниот одбор во М - НАВ е во рамки на законот.
Според Заев, се случуваат грешки при административното работење, а упатствата за поправка се јасни.
- Се прешкртува, се обележува со мастило, се става печат и потпис на тоа што е конечно. Тоа е навремено спроведено, не влијаело никако на забраната пред локалните избори и немало никакви ефекти врз носењето на одлуките коишто следувале после тоа. Тоа само ја докажува транспарентноста во работењето, рече Заев.
Образложи и дека вчерашната владина одлука за задолжувањето дома, е вообичаено за да може да функционира Министерството за финансии по носењето на Буџетот за следната година. Со парите се враќаат доспеаните краткорочни позајмици на домашниот пазар.
Во врска со концесиите за геолошките истражувања, Заев рече дека граѓаните имаат право да поднесуваат барања, но, поради загаденоста, има вид мораториум околу скопскиот и дргуите региони.
Ново на Сител
-
Последен ден од кампањата - Партиите и коалициите со завршни митинзи
-
Над 200 болни и 203 затвореници утре ќе гласаат во Штип
-
Со изборен навигатор можете да проверите која партија и програма се најблиску до вашите убедувања
-
Со добра понуда и бројни настани Охрид може да привлекува туристи преку цела година
-
Преглед на вестите од светот
-
Тема на денот со отец Горан Стојчевски
-
Верниците го слават Велигден, црквата со порака за национално обединување и надминување на разногласијата
-
Со биење на камбаните најавено Христовото воскресение во Охрид