За една година уништена прашума со големина на Порторико
Во ноември беше достигнато највисокото ниво на уништување шуми во бразилска Амазонија откако во 2015 година почна да вршат такви мерења, покажуваат најновите податоци на бразилската Влада.
Во ноември беа уништени 563 квадратни километри од најголемата тропска шума во светот, што претставува зголемување за 103 проценти во однос на истиот месец минатата година, покажува истражувањето на Националниот институт за вселенски истражувања ИНПЕ. Со тоа, вкупното уништување на шумите во периодот од јануари до ноември достигна 8.934 квадратни километри, што е 83 проценти повеќе отколку во истиот период во 2018 година и станува збор за област со големина на Порторико.
Податоците на ИНПЕ се собрани преку базата на податоци ДЕТЕР, систем што објавува аларми заради пожари и други закани по тропските шуми.
Процесот на уништување на шумите обично се забавува во ноември и декември за време на сезоната на дождови во Амазон. Минатиот месец, стапката на уништување на шумите беше невообичаено висока.
Истражувачи и активисти за заштита на животната средина го обвинија десничарскиот бразилски претседател Жаир Болсонаро за охрабрување на земјоделците и дрвосечачите да ги палат шумите, објаснувајќи го тоа со поттикнување развој во Амазонија.
Ново на Сител
-
Маск: Жалам што некои објави за Трамп отидоа предалеку
-
Министерство за економија: Во првите два дена 1400 пријави до Агенцијата за вработување за мерката самовработување
-
Домовите „Кузман“ и „Стив Наумов“ се очекува да бидат реновирани до крајот на годинава
-
Прв Интернационален Филм Фестивал за Арт Терапија во Скопје
-
Андоновски: Забрануваме 173 нови нелегални приредувачи на онлине игри на среќа
-
Зајакнување на соработката меѓу армиите на Македонија и на Унгарија
-
Јаневска: На 1 септември ќе ги има сите учебници | ВИДЕО
-
„Ниту една казна нема да биде доволно“ - Обвинителството бара доживотен затвор за убијците на Вања и Панче