Врвот на третиот бран на корона вирус во Франција може да се достигне за 10 дена

Франција може да го достигне врвот на третиот бран на епидемија на коронавирус за седум до десет дена, изјави денеска министерот за здравство Оливие Веран.

Претседателот Емануел Макрон од вчера воведе трета национална блокада во Франција и рече дека училиштата ќе бидат затворени за три недели во обид да се ограничи третиот бран на епидемијата што се заканува да ги однесе болниците до своите граници.

– Можеме да го достигнеме врвот на епидемијата за седум до десет дена. Тогаш ќе ни требаат уште две недели да го достигнеме пикот на пациентите во единиците за интензивна нега, што може да се случи кон крајот на април, изјави Веран за радио „Франс ентер“.

Растот на случаи на коронавирус за еден ден во Франција е двојно зголемен од февруари на просек од речиси 40.000. Бројот на пациенти во одделенијата за интензивна нега е повеќе од 5.000 оваа недела, надминувајќи го врвот што беше достигнат за време на шестнеделното второ заклучување, воведено кон крајот на минатата година.