Времето денеска ќе биде сончево со температура до 19 степени

Времето денеска во Македонија ќе биде сончево со мала до умерена локална  облачност и слаб северен ветер. По одделни котлини и планински предели не е исклучена можноста за појава на магла и ниска облачност.

Утринската температура ќе се движи од нула до седум, а дневната од 15 до 20 степени.

Во Скопје сончево со мала до умерена облачност. Во утринските часови не е исклучена можноста за појава на слаба магла. Утринската температура ќе се спушти до три, а дневната ќе се искачи до 19 степени.

Следува период на стабилно и суво време. По одделни котлини и речни долини ќе има појава на магла и ниска облачност. Дневната температура ќе се движи од 15 до 22 степена.