Војдан Стојановски и Едина Муса најдобри во мак-баскетот за 2015

Очекувано, Војдан Стојановски го понесе признанието за најдобриот кошаркар на Македонија за 2015 година, во изборот на Македонската кошаркарска федерација, одржан синоќа во х. „Александар Палас’’ во Скопје.

Актуелен член на шпанскиот клуб Морабанк Андора, кој беше најдобриот поединец во црвено-жолтиот дрес на Македонија на последното ЕП во Загреб, сосема заслужено ќе го носи епитетот најдобар македонски кошаркар. Сепак Војдан поради клупски обврски не присуствуваше на свеченоста, па наградата во негово име ја прими неговиот постар брат екс-кошаркарот Огнен.

Во женска конкуренција Едина Муса е најдобра кошаркарка за 2015 година.

За тренери на годината се прогласени, Страшо Тодоровиќ од Куманово и Перо Стамески тренерот на Бадел 1862 во машка и женска конкуренција, додека шампионите МЗТ Скопје А. и Бадел 1862 беа избрани за екипи на годината.

Во младинска конкуренција. Поединечните признанијата им припаднаа на: Љубомир Младеновски и Ана Марија Шеќеровска (најдобари млади кошаркар), Срѓан Дамјановски и Влатко Мирковски (најдобри тренери во младинските категории).

МЗТ Скопје и Струга 2009 се прогласени за најдорбри младински екипи (машка и женска конкуренција).

Признанието најдобар судија му припадна на Александар Милојевиќ.