Во Виница ќе се формира Балканска мрежа на млади Роми

Младите Роми од седум различни држави,  од денеска до недела ќе учат едни за други, ќе ги излагаат проблемите со кои се соочуваат во своите држави и ќе бараат заеднички решенија. Во рамки на проектот „Младите Роми заедно во иднината“, имплементиран од Балканската Унија на Роми и здружението „Авена “од Кочани ќе се развива балканска социјална мрежа. 

- Целта е да ја развива социјалната мрежа меѓу младите Роми од Србија, Косово, Албанија, Турција, Босна, Македонија и Романија. Ќе биде формиран работен тим кој ќе ги вклучи и анализира потребите и проблемите на Ромите, и ќе се работи на изнаоѓање решенија за истите. Ќе се работи на зајакнување на врските помеѓу невладините организации од Балканот, и на создавање мрежа од самите Роми за нивно вклучување во тековниот живот, изјави  Џулиета Мемедова, координатор на проектот.

Ова ќе биде прва Балканска мрежа во чии фокус ќе бидат повеќедневни обуки за развивање на лидерски вештини и  подготовка на проекти.

Во проектот се вклучени и десет млади Роми и од Македонија.