Во Велика Британија одложени десетици летови поради густата магла

Десетици летови денеска беа одложени во Велика Британија поради густата магла која ја намалува видливоста на само 100 метри во некои делови од земјата, соопштија метеоролозите.

„Воведени се привремени ограничувања на воздушниот сообраќај поради маглата што предизвикува слаба видливост. Некои летови може да бидат одложени во текот на денот“, изјави портпаролот на лондонскиот аеродром Гетвик.

Од утрово на тој аеродром доцнат 35 летови за полетување и 26 за пристигнување, а откажани се два лета.