Во пожар во куќа во Велес изгоре просторија од третиот кат и кровот, нема повредени
Во пожар што утрово пламна на третиот кат од семејната куќа на ул „Димче Мирчев“ бр 1 пред рампата во населбата Дворови во центарот на Велес изгоре поголема просторија од спратот и покривот на куќата. За среќа во пожарот нема повредени членови на семејството.
- Пожарот бил пријавен во ТППЕ Велес во 7:40 часот и со брза интервенција на пожарникарите со две противпожарни возила и осум пожарникари пожарот бил локализиран за кратко време од 15 до 20 минути, а целосно е ликвидиран во 10 часот, информираат за МИА од ТППЕ Велес.
Воедно, со нивната брза интервенција било спречено пожарот да се прошири на целата куќа, како и на соседната која е лепенка и на една стара и напуштена куќа.
Како што појаснуваат од ТППЕ Велес, изгорела голема просторија која сопствениците ја користела како спална со мебелот во неа, како и покривната конструкција од околу пет метри квадратни.
Увид во пожарот направила екипа на СВР Велес и инспектор од крим полиција со цел да се утврди причината за пожарот, информира за МИА, Ристе Самарџиев портпарол на СВР Велес.
Инаку, станува збор за семејната куќа на Анче Здравкин, сопственик на локалната велешка телевизија „Здравкин“ и неговата сопруга Ленче Здравкин позната и призната хуманитарка.
Популарно од Македонија
Ново на Сител
-
Османи: ДУИ е подготвена да поддржи Влада без ДУИ до избори доколку опозицијата ги поддржи уставните измени
-
Украинско МО: Ова е Херсон денеска - го гранатираа, поплавија, но не успеаја во ништо
-
Столтенберг: Белград и Приштина да ја деескалираат ситуацијата и да се вклучат во дијалог со поддршка на ЕУ
-
Џафери: Мора да се ослободиме од размислувањата дека националните малцинства се грижа на нивните „матични држави“
-
Здравствените работници од Геријатрија најавија дводневен протест
-
Трошоците на животот во мај зголемени за 11,3 отсто на годишно ниво и за 0,4 отсто на месечно ниво
-
Жителите на Слупчане не дозволуваат ЕВН да влезe во селото, 80 отсто од струјата ја крадат
-
Вонреден инспекциски надзор од ДСЗИ во психијатриска болница „Скопје“
