Во Париз воведен систем на задолжителна ознака за возилото во зависност колку загадува
Од денеска сите моторни превозни средства во Париз, дури и тие со странски регистерски таблички, ќе треба да имаат ознака (вињета/налепница) со различна боја во зависност од тоа колку моторното возило загадува.
Париз е првиот град во Франција каде се воведува таква мерка за борба против загадувањето. Целта е да се запре движењето на автомобилите што најмногу загадуваат.
Бојата варира од зелена (нулта емисија на штетни гасови) преку виолетова боја (Еуро 5/6) до сива (Евро 2 дизел). Париз постави цел да се намали за половина бројот на автомобили и да забрани користење дизел возила до 2020 година.
Во „пиковите“ на загадување се воведува диференцирано движење – автомобилите што најмногу загадуваат остануваат во гаражи, а останатите ќе може да се движат. Министерството за заштита на животната средина побарало 2,5 милиони вињети, а казните се меѓу 68 и 135 евра. Во Париз секој ден се движат околу 600.000 моторни превозни средства.
Ново на Сител
-
Над 26 милиони рецепти реализирани во 2024 – стануваме поболна нација или хипохондрици?
-
Во Македонија младите се помалку се едуцираат за семејните вредности
-
Преговори Русија-Украина, без Путин и Зеленски
-
80 годишнина од кодификацијата на македонскиот јазик
-
Македонија останува атрактивна за странците
-
Вработен сум додека студирам - дали ги губам студентските права?
-
Преглед на вестите од светот
-
Протест на Кулакови против пресудата за Васил