Во Неготино ќе се гради двоен тениски терен со тврда подлога

Во Неготино ќе  се градат тениски терени со тврда подлога, информира денеска за МИА неготинскиот градоначалник  Ванчо Апостолов.

Тој информира дека со  директорот на Агенцијата за млади и спорт Марјан Спасески,  потпишале  договор за изградбата на двоен тениски терен во Неготино. Со овој договор,  појаснува, Агенцијата за млади и спорт врз основа на склучениот договор со изведувачот на градежните работи,  се задолжува да инвестира во изградбата на еден ваков  терен на  улица „Ленинова“ во населбата „Саат-кула”.  

Тој нагласува дека со истиот договор е утврден и начинот и условите за изградбата на тенискиот терен  и неговото стопанисување, користење и тековно инвестициско одржување. 

- Двојниот тениски терен ќе се гради веднаш над мултифункционалното игралиште во населбата “Саат-кула”,  во непосредна близина на реконструираниот забавен парк, вели градоначалникот.