Во Јапонија протести поради застарените закони за сексуално злоставување
Демонстрантите, кои се борат за правата на жените денеска шестпати протестираат на улица поради застарените закони за сексуално злоставување откако маж беше ослободен иако сексуално ја искористувал својата ќерка со години.
Судот пресуди дека таткото е виновен за сексуалното злоставување на ќерката од нејзината 13 до 19-годишна возраст, а тој признал дека бил насилен кога таа му се спротивставувала. Но, тој е ослободен бидејќи законот бара од обвинителите да докажат дека имало употреба на сила, закани или дека жртвата во целост била онеспособена.
Пресудата, на која е поднесена жалба, предизвика гнев кај демонстрантите, кои денеска излегоа на улиците во повеќе јапонски градови.
Изработена е и интернет петиција со која се бара каков бил сексуален однос без согласност од сите страни да биде дефиниран како силување.
Петицијата досега е потпишана од 47.000 луѓе и е поднесена до Министерството за правда. Судот во најновиот случај на инцест призна дека девојчето било присилено на секс „против своја волја“.
Исто така наведе дека е нејасно дали девојчето било „неспособно да се спротивстави“, па таткото е ослободен од обвинението за силување.
Јапонија во 2017 година го измени кривичниот закон за сексуални злосторства првпат во 110 години, признавајќи дека постојат и машки жртви и ја зголеми казната за силување од минималните три на пет години. Но, барањето дека жртвата мора да докаже дека не можела да се спротивстави на нападот не е изменето.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка