Во Гевгелија почна одбележувањето на општинскиот празник
Општина Гевгелија денеска ќе почне со реализација на празничната програма за одбележување на 7 Ноември - Денот на ослободувањето на Гевгелија.
Прославата на општинскиот празник ќе почне вечер со отворање ликовна изложба на која ќе бидат претставени дела од членовите на Друштвото на ликовни уметници од Гевгелија и со традиционалната манифестација „Пееме за Гевгелија“.
Општина Гевгелија, која е покровител на сите празнични манифестации, информира дека поетско-музичката вечер „Пееме за Гевгелија“ во изведба на ученици од гевгелиската гимназија ќе се одржи четврти пат. Од претходните три манифестации се издадени и две збирки песни од поединци, а од годинашнава ќе биде издадена првата групна збирка поезија.
Празничната програма ќе продолжи утре со свеченото почнување на работите за изградба на сообраќајната инфраструктура на клучката од магистралниот пат кај Милци, со традиционалниот прием кај градоначалникот Иван Франгов и со одржување на ноќна атлетска трка.
Централната прослава ќе се одржи в сабота, на 7 ноември со положување цвеќе на спомен-обележјата од НОБ, а ќе заврши со изведба на стенд-ап комедијата од Бојан Велевски.
Ново на Сител
-
Мицкоски: Тензиите околу црквата во Врапчиште се дел од обидите за дестабилизација
-
Собранието ја почна процедурата за измени во Законот за локална самоуправа
-
Мицкоски: Ќе почекаме политичка влада во Бугарија, македонските ставови се јасни
-
Следната недела ќе се донесе есенска кошница со 100 производи
-
Дури 80 проценти од граѓаните од свој џеб си ги плаќале лековите кои им ги дале лекарите
-
Дали оптимизацијата на училиштата ќе ја извади Македонија од образовната криза?
-
Боки 13 повторно на обвинителна клупа за „Меѓународен сојуз“
-
Преглед на вестите од светот