ВМРО-ДПМНЕ: Мрзливиот Шилегов три недели не може да затвори дупка на плоштадот, а ветуваше тунел под Кале

Мрзливиот Шилегов 3 недели не може да затвори дупка на плоштадот која ја направија градските служби поради пропагање во градската фонтана, а ветуваше тунел под кале. Единствен проект му е вработување во ЈСП.
 

Мрзливиот Шилегов наместо да вработува шофери и друг потребен кадар за работата на ЈСП, тој на трошок на претпријатието става уште 175 административци.
Наместо нови шофери, кои се дефицит, мрзеливиот Шилегов вработува оперативни директори, инжинер за инвестиции и советници за примена на јазиците.
Основна дејност на ЈСП е превоз на патници на територија на град Скопје, а не административна дејност и вршење на услуги од административен тип. Претпријатието има потреба од шофери.

Вработувањата нема да беа никаков проблем доколку тие се реализираа за работни места кои му се потребни на претпријатието, но полнењето на ЈСП со администрација е се само не нужно и потребно, туку е полнење на претпријатието со партиски кадри, за плата од градот.

И сето ова се случува во време кога СДСМ зборува дека администрацијата е преполна и дека мора да има префрлања во приватниот сектор, а тие се што прават е нови вработувања, со цел вдомување на своите партиски активисти.

Трошењето на парите на скопјани за партиски вработувања мора да запре. Градот има приоритети за работа, а тоа не смее да биде слугувањето на СДСМ.