ВМРО-ДПМНЕ: Единствениот проект во енергетиката е што Заев ја поскапе струјата

Зоран Заев и СДСМ одново ги верглаат истите лаги, само препакувани во нови планови со нови бројки.

Во енергетиката не направија ниту еден проект во овие 4 години, освен ако не го сметаат поскапувањето на струјата кое пост изборно среде епидемија го направија на шверцерски начин. Со тоа Македонија стана единствената земја во
Европа која поскапи енергенс во време кога граѓаните се соочуваат со епидемија.

Сите проекти кои сега ги ветуваат ги ветуваат и пред 2, 3 и 4 години наназад.

Проектот Чебрен Зоран Заев вети дека ќе почне да се гради уште во 2019 година, а до ден денес нема ништо. Истото е и со гасификацијата на ТЕЦ Неготино. Владата на Заев поради својата неспособност не успеа да ја заврши гасификацијата на државата, нешто што им беше оставено во напредна фаза од страна на владата предводена од ВМРО-ДПМНЕ. Според ветувањата на Заев и СДСМ веќе требаше домаќинствата во Скопје, Штип и Битола и речиси сите градови да може да користат природен гас. Но побитно им беше да ги трошат народните пари за фотелји со телешки кожи, да вработуваат синови, ќерки и фризерки во енерегетските компании наместо да изградат нешто за граѓаните.

Како резултат на нивната неспособност Македонија во енергетскиот сектор денес во Македонија акумулациите се празни, а државата среде грејна сезона е принудена да увезува струја по повисоки цени.