-->
-->
Веселин Вујовиќ: Металург има силен тим, ќе биде тешко
-->
Екипата на Загреб е разнишана од трите последователни порази во Лигата на шампионите, каде очекуваа добра сезона, и токму во овој момент и гостува Металург. Токму против нашиот тим тренерот на Загреб Веселин Вујовиќ очекува пресврт и излез од тешкиот период во кој се наоѓа неговиот тим.
“Поразот против Кристијанштад ми падна многу тешко и генерално мојата екипа не е во најдобра форма. Сепак, верувам дека мојата екипа и јас брзо ќе најдеме начин да излеземе од овој тежок период во кој што се наоѓаме и дека ќе почнеме да играме многу подобро. Што се однесува до Металург, тој оваа сезона покажа дека е цврст тим. Лино Червар има свој систем и сигурно дека Металург ќе биде незгоден противник. Ќе се обидеме да одмориме некои од своите ракометари, бидејќи саботниот натпревар против Мешков ни е од огромно значење. Миклавчиќ се уште има проблем со коленото, Тончи Валчиќ со грбот, а Цингесар со зглобот, но сите тренираат и сите се свесни дека, во ситуацијата во која сме, треба да го дадеме најдоброто од себе и да се извлечеме од ситуацијата во која што сме“, вели Веселин Вујовиќ.
Слично размислува и повратникот во тимот Лука Шебетиќ:
“Се враќам по подолга пауза и тешко ми е, бидејќи сакам што повеќе да и помогнам на мојата екипа. Загреб е во тешка ситуација, по сите овие порази, и нашата цел е со добрата игра и со победата против Металург да ја вратиме самодовербата и да ја подобриме атмосферата пред средбата со Мешков Брест во Лигата на шампионите“, изјави Шебетиќ.
-->
-->
-->
Ново на Сител
-
Бајден изјави дека САД работат на тоа да им се овозможи на раселените жители од северен Израел да се вратат дома
-
Шефот на ИДФ вети дека војската ќе стигне до секој што им се заканува на израелските цивили
-
Николоски на средби со министри за транспорт на ЕУ ја презентираше инвестициската програма на Владата
-
Тошковски: Се надевам дека ќе нема настани кои ќе подгреваат тензии, ако има соодветно ќе одговориме
-
Тошковски: Фокусирани сме на функционален систем за следење на сообраќајот со камери
-
Жена физички нападнала вработен во општина Кочани
-
Гостиварец се заканувал на сопругата, на нејзината мајка и на ќерката
-
Маж се соблекувал пред малолетници