Велика Британија треба да ја напушти ЕУ пред европските избори

Велика Британија треба да ја напушти ЕУ пред европските избори во средината на 2019 година, изјави претседателот на Европскиот парламент Мартин Шулц, јави ДПА. 

Преговорите по Брегзитот може да продолжат не повеќе од две години, што значи, дека Велика Британија треба да го исполни членот 50 од Лисабонскиот договор, кој ги определува правилата по двегодишниот преговарачки процес за излегувањето на одредена земја од ЕУ, не подоцна од средината на 2017 година. 

Шулц изјави, дека со оглед на исклучително сложените околности за британското излегување од ЕУ, тој покажува разбирање кон желбата на британската Влада да оддели извесен период за подготовки, пред да го објави офоцијалното решение за почеток на преговорите. 

Шулц исто така, истакна дека е невозможно Британците да учествуваат на изборите за Европскиот парламент и дека Брегзитот треба да заврши до тоа гласање. 

На референдумот на 23 јуни Британците гласаа за излез од ЕУ.

Премиерката Тереза Меј изјави дека нема да да се активира членот 50 од Лисабонскиот договор пред почетокот на 2017 година.