Вардар за само пет дена по втор пат поразен од ПИК Сегед
Ракометарите на Вардар вечерва се поразени на гостувањето кај ПИК Сегед со 34:33 во својот осми настап сезонава во Лигата на шампионите.
Македонскиот првак одигра добро прво полувреме, во два наврата имаше три голови предност, а на полувреме отиде со водство 19:17. Унгарскиот тим пресвртот го најави на самиот почеток на вториот дел со серија од 4:0 и водство со 21:19. Вардарци возвратија со два врзани погодоци изедначија со 21:21, но домаќините повторно влегоа во ритам и со шест последователни гола поведоа со 27:21. Оваа разлика се покажа како недостижна за избраниците на тренерот Стевче Алушовски кои до крајот успеаја да се изборат за чесен пораз.
Голманот Кантегрел со 14 одбрани и крилото Чупиќ со девет погодоци беа најдобрите во составот на Вардар.
По осум средби во А групата Вардар има шест порази и се наоѓа на последното (8.место) со три бода, додека ПИК Сегед е петти со 10 бода.
Ново на Сител
-
Вархеји: Меѓувладини конференции идниот месец со Србија и Албанија, можеби и со Македонија
-
Тема на денот со Стојанче Ангелов, директор на ЦУК
-
Од утре дел од образовните асистенти почнуваат со работа
-
Игротеките и училиштата ризик за ширење на заразни заболувања помеѓу децата
-
СДСМ: Мицкоски понуди платформа што самиот не ја почитува
-
ВМРО-ДПМНЕ повика ДКСК и ЈО да го проверат имотот на Филипче
-
ДЗС остана само со еден функционален „Ер трактор“
-
Не се знае кога ќе се делат ваучерите за инвертери