Македонија
8. January 2020 - 9:26

Утрово два земјотреси ја стресоа Македонија

Телеметриската сеизмолошка мрежа на Република Северна Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје утринава во 08 часот и 00 минути и во 8 часот и 15 минути, регистрираше земјотреси, чиј епицентри се наоѓаат 77 km југоисточно од Скопје.

Според досегашните податоци нивните Рихтерови магнитуди изнесуваа 3.1 на првиот и 2.7 на вториот земјотрес.

Беа почувствувани од населението во Штип и околината со интензитет од III степени, според Европската макросеизмичка скала.