Унгарија: Блокирани сајтови поради негирање на Холокаустот

Унгарскиот суд донесе одлука за блокирање на 20 сајтови на кои се негира постоењето на Холокаустот, соопшти денеска унгарскиот државен обвинител. 

- Сајтовите објавуваат унгарско издание на шведски автор кој го негира геноцидот направен од страна на нацистичкиот режим, се наведува во соопштението на Тибора Ибоља. 

Според унгарскиот закон од 2010 година, негирањето на Холокаустот во јавност е кривично дело за кое е пропишана казна од три години затвор. 

Унгарските власти започнаа истрага против издавачот, но постапката е „запрена“, бидејќи сопственикот на издавачката куќа, која ја објави книгата чии цитати ги пренесуваат порталите, е во странство.