Турското Обвинителство нареди апсење на 154 осомничени „ѓуленисти“

 Јавното обвинителство од Анкара издаде наредба за апсење на 154 лица меѓу кои офицери на Воената морнарица, наставници и синдикални активисти, кои се осомничени за членство во движењето на исламскиот проповедник Фетулах Ѓулен.

Меѓу лицата за кои се издадени наредби за апсење се и 66 наставници, кои претходно биле отпуштени од работа, под сомнеж за врски со организацијата на Ѓулен.

Врз основа на налогот на Обвинителството, полицијата денеска спроведе акции во пет турски окрузи при што се приведени 16 актуелни и поранешни припадници на Воената морнарица осомничени за поврзаност со Ѓулен. 

Покрај оваа, спроведена е уште една полициска операција во над десет окрузи со цел да бидат приведени 72 членови на забранет синдикат, кој според Анкара, е финансиран од движењето на Ѓулен.

Турските власти го обвинуваат Ѓулен, кој живее во доброволен егзил во САД, дека стои зад неуспешниот обид за преврад во јули 2016 година.