Трите повредени лица во пожарот во Пржино во стабилна состојба
Трите лица кои вдишаа чад во вчерашниот пожар во скопската населба Пржино се во стабилна состојба, информираат од Клиничкиот центар „Мајка Тереза“.
Директорката на Детската клиника Катерина Ставриќ за МИА изјави дека 10-годишното дете кое беше примено на оваа клиника, е добро и денеска е пуштено на домашно лекување.
Во стабилна состојба се и мајката и таткото кои беа примени на Клиниката за токсикологија. Директорот на оваа Клиника Нико Бекаровски изјави дека двајцата пациенти се добри и во стабилна состојба. Најверојатно ќе бидат пуштени во текот на денешниот или утрешниот ден.
Во вчерашниот пожар на улицата „Баница“ во Пржино интервенираа 30 пожарникари со седум возила. Командирот на Бригадата за противпожарна заштита на Град Скопје, Звонко Томески изјави дека се работело за една од понапорните интервенции во последните 25 години и оти биле употребени над 70 апарати за дишење поради густиот чад од медицинскиот материјал којшто горел.
Пожарот избувна вчера попладне во подрумските простории на зграда на улицата „Баница“ во Пржино. Гореше медицински материјал од приватна аптека која овој простор го користела како складиште. Материјалната штета сеуште не е утврдена.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО