Tрансфер-суспензијата на Реал е поради Зидан!

Потпишувањето на договори со малолетници е причината што ФИФА ги казни Реал и Атлетико Мадрид со забрана на трансфери во зимскиот и летниот преоден рок.

За кралскиот клуб кој најави жалба одлуката е апсурдна бидејќи се обвинети дека направиле илегални трансфери со синовите на Зинедин Зидан долгогодишниот член на клубот, директор и сега актуелен шеф на стручниот штаб.

Четирите сина Енцо, Лука, Тео и Елијаз Зидан играат во младинските категории на Реал и се сметаат за големи таленти.

Енцо игра во резервниот тим , во Кастиља каде до неодамна Зидан му беше и тренер. Лука важи за извонредно талентиран голман и токму тој е посочен како пример на илегален трансфер иако во Реал е од 6. година кога и неговиот татко играше во мадридскиот тим.