Трамп сака да ги врати старите тушеви и светилки: Со новите не можам ни косата да ја измијам
Американскиот претседател Доналд Трамп сака да ги врати старите плочни шпорети, тушеви со силен млаз вода и класичните светилки, тврдејќи дека новите еколошки стандарди го отежнуваат секојдневниот живот.
„Давам налог веднаш да се вратат старите стандарди за вода и проток во мијалниците, тушевите, тоалетите, машините за перење алишта и садови“, објави Трамп на својата платформа Truth Social.
Тој веќе подолго време се жали на новите тушеви, тврдејќи дека тие ја намалуваат силата на водата.
– Пуштате туш, а ако сте како мене, не можете добро да ја измиете вашата убава коса, изјави тој во 2020 година.
Во својот прв мандат, Трамп ги укина федералните регулативи што го ограничуваа протокот на вода, но неговиот наследник Џо Бајден повторно ги врати.
Покрај тушевите, Трамп остро ги критикува и LED светилките кои ги заменија традиционалните светилки со жичана жица. – Не сум суетен, но изгледам подобро под светлината на старите светилки.
Овие новиве ме прават да изгледам портокалово, изјави тој во 2019 година. Аналитичарите сметаат дека Трамп ја користи носталгијата како политичка алатка.
Според политикологот Спенсер Гоидел од Универзитетот Оберн, луѓето имаат тенденција да го идеализираат минатото и да забораваат на недостатоците.
– Трамп ја разбира таа носталгија и знае како да ја искористи. Неговиот слоган ‘Да ја направиме Америка повторно голема’ се темели токму на тој концепт, вели Гоидел.
Иако LED светилките заштедуваат енергија и ја намалуваат емисијата на штетни гасови, а новите тушеви помагаат во зачувување на водата, Трамп останува тврд во својот став дека старите технологии биле подобри.
Неговата реторика покажува дека ова прашање повеќе се однесува на идеолошка и политичка битка отколку на вистинска загриженост за ефикасноста на апаратите.
Ново на Сител
-
Тркалезна маса „Патот на Северна Македонија до ЕУ: Предизвици и можности во 2025“
-
Песков: Поддржуваме прекин на огнот, но со внимание на нијансите
-
Петиција во ЕП: Кошта да ја откаже посетата на Белград поради присуството на Вучиќ во Москва
-
Го купил пиштолот за 1.100 евра, отишол да се смират но по 15 мин го убил, детали за убиството во Штип
-
Макрон, Мерц, Стармер и Туск во Киев: Поддршка за Украина и повик за прекин на огнот
-
Петмина осомничени за убиството на странскиот државјанин донесени во штипскиот Основен суд
-
Продолжува националната еко акција „Генералка викенд“
-
Девојче прегазено од автомобил на „Партизанска“ кај Сити мол