Трамп: Ја изгубивме Русија поради најцрната Кина

Претседателот на САД, Доналд Трамп денеска на својата мрежа „Трут соушл“ (Truth social) го коментираше приближувањето на Индија, Русија и Кина.
– Изгледа ги изгубивме Индија и Русија од најтемната, најцрната Кина. Нека имаат долга и просперитетна иднина заедно!, напиша Трамп, при тоа објавувајќи фотографија од рускиот и кинескиот претседател Владимир Путин и Си Џинпинг и индискиот премиер Нарендра Моди, на Самитот на Шангајската организација за соработка што се одржа во Тјенџин, Кина.
Трамп претходно Самитот во Кина го нарече заговор против САД, на што Путин наведе дека американскиот претседател „има добра смисла за хумор“.
Си на Самитот на Шангајската организација за соработка апелираше за воспоставување на нов мултиполарен светски поредок, што ќе ја предизвика американската демократија како водечка сила во глобалните прашања. Според него таквиот поредок ќе го врати светот во состојба во која суперсилите ги контролираат своите сфери на влијание.
МИА
Ново на Сител
-

Тема на денот со Никола Мемов, директор на ПИОМ
-

Последици од поплавите во о.Чешиново-Облешево
-

Дали снегот и годинава ќе ги изненади институциите?
-

СДСМ: Фирма со 2 вработени добила 9 милиони евра државни тендери за 6 месеци
-

ВМРО ДПМНЕ обвинува за криминал
-

Илир Демири од алијансата на Села ќе делува како независен пратеник
-

Пензионерите поделени околу протестот пред Уставниот суд
-

Во Клиниката во Козле хоспитализирани 60 деца со респираторни инспекции
