Трамп и Клинтон денеска на Лонг Ајленд ќе ја имаат првата претседателска дебата
Доналд Трамп и Хилари Клинтон денеска во 21 часот по источноамериканско време (утре во 1 часот по Гринич) ќе ја одржат нивната прва дебата како претседателски кандидати, пренесуваат француските медиуми.
Дебатата ќе се одржи шест недели пред претседателските избори, закажани за 8 ноември.
Ова ќе биде еден од најсилните моменти во предизборната кампања и повод за двајцата кандидати повторно да се претстават пред избирачите, кои во поголем дел не ги поддржуваат ниту единиот, ниту другиот, забележаа француските медиуми.
Се чекува дебатата да привлече рекорден број гледачи, ако се има предвид дека во неа учествуваат толку спротивни личности како што се Доналд Трамп и Хилари Клинтон.
Дебатата ќе се одржи на универзитетот Хофстра, во градот Хемпстед, на Лонг Ајленд, на еден час од Њујорк. Тоа е класично место за одржување дебати и за оваа цел беше искористено во кампањите во 2008 и 2012 година.
Дебатата ќе трае 90 минути и ќе е поделена во шест дела од по 15 минути. Нема да има паузи за реклами. Во дебата ќе се зборува за управувањето и курсот на САД, просперитетот и безбедноста. Модераторот на дебатата секој дел од неа ќе го отвора со прашање по што секој кандидат ќе има две минути за одговор. Потоа двајцата кандидати ќе можат да реагираат на одговорите кои ги дале.
Модератор на дебата е познатиот новинар Лестер Холт (57), кој ги води ударните вечерни вести на телевизијата Ен-Би-Си, која, пак, е најгледана во земјата. Холт веќе беше модератор на дебатата за време на првичните избори на американските демократи.
Ново на Сител
-
АХВ: „Атлантик Штарк“ повлекува бисквити поради можност за присуство на надворешно тело
-
Тешко повреден мотоциклист во сообраќајна несреќа
-
Таравари: За приватните специјализанти ќе постапиме според интересот на болниците, над 10 доктори во Штип
-
Повеќе од 130 светски лидери следната недела на Генералното собрание на ОН
-
Над 7.500 ученици во Општина Аеродром добија бесплатни училишни униформи
-
Муцунски на Столтенберг му врачи Плакета за постигнатите успеси
-
Модуларната болница кај Инфективната клиника во Скопје ќе ја користат Затвор Идризово или Министерство за одбрана
-
Утре променливо облачно со повремен дожд, температура до 25 степени