Тимови од странство искусни за рехабилитација во македонските центри

95 повредени од пожарот во Кочани се уште се на болничко лекување. 15 се во македонските болници и клиники а 80 во странски медицински центри. Денес во земјата се враќа пациент кој беше во Австрија а состојбата на тројцата потешко повредени и понатаму е критична, велат здравствените власти.

Надлежните се подговтвуваат за следната фаза а тоа е рехабилитацијата која кај некои од повредените може да трае со месеци. Веќе се дојдени и тимови од странство кои гледаат со какви просторни услови и опрема располагаат двете центри каде ќе бидат третирани пациенти со изгореници.

-На тие што ќе им треба и посериозен третман веќе имаме и понбуди од два центри во странство каде може да ги ипсратиме откако овде ќе ги направиме тие протоколи за лекување и тоа без да плати Министерството за здравство или Фондот, вели Арбен Таравари, министер за здравство.

Со месеци ќе трае и опоравување на органите за дишење по здобиени изгореници. Пулмологот Димитар Каркински вели дека видел една бронхоскопија кај поврдеден од пожарот, при што белодробните крила биле речиси црни.

-Целото белодробно стебло беше малтене црно. Лекувањето, рехабилитацијата ќе трае подолго. Но кај такви сериозни оштетувања знаат да останат лузни и тие да го намалат квалитетот на дишното стебло и тоа потоа да премине во хронична белодробна опструктивна болест, вели д-р Димитар Каркински, директор на ТБЦ.

Од Клиниката за физикална медицина и рехабилитација веќе информираа дека кон средината на месецот ги чекаат првите пациенти на кои ќе им треба подолготраен медицински третман.