Македонија
3. March 2018 - 11:06

Тешка сообраќајка на патот Охрид-Кичево, повредени две лица

Тешка сообраќајна несреќа се случила вчера на патот Охрид- Кичево.

Според информациите на полицијата,на  магистралниот пат Охрид-Кичево, помеѓу селата Мешеишта и Требеништа, вчера во 19:35 часот дошло до судир помеѓу патничко возило „Ауди“ со охридски регистарски ознаки, управувано од И.Б. (36) од Мешеишта и патничко возило „Опел Мерива“ со скопски регистарски ознаки, управувано од Г.М. (41) од Скопје.

Од судирот со тешки телесни повреди се здобиле сопатниците во возилото „Опел Мерива“, С.М.(61) и А.М. (66).

Тие биле пренесени и задржани во болницата „Св.Еразмо“ во Охрид. Со телесни повреди се здобиле сопатникот во возилото „Опел Мерива“ А.Г.Г. (36) од Скопје, како и возачите на двете возила. По укажаната помош тие биле пуштени на домашно лекување. Увид на местото на настанот извршила екипа од СВР Охрид.