Македонија
9. November 2015 - 12:26

Тешка кражба во Штип

Штип во текот на месец ноември по претходно преземени мерки и активности откри сторители на повеќе кривични дела „кражба“ и „тешка кражба“ извршени на подрачјето на СВР Штип и против истите поради постоење основи на сомнение дека се извршители на кривичните дела поднесе кривични пријави. Имено расветлено е кривичното дело „кражба“ извршено од пријавениот И.Р.(21) од Штип кој на 21.10.2015 година околу 18 часот користејќи згодна прилика  од незаклучена службена просторија на КБ Штип одзел лап топ компјутер, со што причинил материјална штета од 13.000 денари. Од страна на СВР Штип расветлено е и кривично дело „тешка кражба“ извршено  во временскиот период од 20.05. до 05.06.2015 година.

Исто така пријавените А.З.(39) и Б.Д.(27) двајцата од Штип  во наведениот временски период од стан на ул.Партизанска во Штип со намера да се стекнат со противправна имотна корист со употреба на сила и подесен алат скршиле стакло на еден од прозорците од балконската тераса и со прекачување влегле во станот, извршиле пребарување и одзеле ЛЦД телевизор, камера, фотоапарат,блендер, миксер, парфеми и неколку шишиња алкохол, причинувајќи материјална штета од 33.800 денари. На 30.10.2015 година пријавениот В.С.(43) од село Дорфулија, општина Лозово со намера да се стекне со противправна имотна корист со употреба на подесен предмет и сила делувал на влезната дрвена врата на подрумската просторија од куќа во село Дорфулија, сопственост на негов роднина влегол внатре и противправно одзел 94 литри ракија, причинувајќи штета од 14.000 денари.