СЗО: Секој ден во последните две недели во светот има по 100.000 нови случаи на коронавирус
Директорот на Светската здравствена организација, Тедрос Аданом Гребрејсус, изјави дека во последните две недели секој ден во светот се регистрираат по повеќе од 100.000 потврдени случаи на коронавирус, претежно во САД и Јужна Азија.
На земјите што го спречиле преносот на вирусот тој им порача дека мораат да бидат подготвени на можноста за повторна појава во зголемен број случаи.
Тедрос, исто така, посочи за новата серија случаи во Пекинг, што повеќе од 50 дена беше без нови случаи на Ковид-19 и рече дека се испитува потеклото на новата серија случаи, пренесуваат американските медиуми.
Мајкл Рајан, шеф на СЗО за вонредни ситуации, изјави дека здравствената агенција на ОН им понудила дополнителна помош на кинеските власти и дека СЗО може да го зајакне својот тим во Кина во наредните денови додека напредува истрагата.
Тедрос истакна дека биле потребни два месеци за да се достигнат првите 100.000 пријавени случаи, а сега тоа е дневна норма. Речиси три четвртини од новите случаи секој ден доаѓаат од 10 земји, претежно од Јужна Азија и Америка, рече тој.
Ново на Сител
-
Главчев и Радев по инаугурацијата на Сиљановска-Давкова: Договорите мора строго да се спроведуваат
-
МНР: Да се почитува Договорот од Преспа - со Грција развивме високо ниво на политички дијалог
-
Реулаторна ќе објави нови цени на горивата
-
Почувствуван земјотрес во Хрватска
-
Мицотакис: Провокативна, незаконска и недозволива иницијатива од новата претседателка на Северна Македонија
-
Макроекономска и буџетска состојба на Еврозоната теми на средбата на Еврогрупата
-
Работни групи на ВМРО-ДПМНЕ и Вреди на преговори за идната влада
-
Народната банка ќе ги објави пролетните макроекономски проекции