СЗО: Моментно не се препорачува комбинирање на вакцини против Ковид-19
Светската здравствена организација (СЗО) денеска повторно соопшти дека поради недостигот на „соодветни податоци“, не можат да се дадат препораки во врска со комбинацијата на различни вакцини против коронавирусот, што Франција го планира при ревакцинацијата на лицата помлади од 55 години кои ја примиле првата доза на Астра Зенека.
Нема соодветни податоци врз основа на кои би можело да се каже „дали може тоа да се направи“, па затоа експертите на СЗО заклучија дека „не може да се препора комбинирање на вакцини во овој момент“, истакна портпаролката на СЗО, Маргарет Херис на редовниот брифинг со новинарите во Женева.
Таа нагласи дека таквиот став го усвоила Стратешката експертска советодавна група за имунизација (САГЕ) во февруари за време на објавувањето на препораките за вакцината на Астра Зенека и пред информациите за евентуална поврзаност на тој препарат со многу ретки несакани ефекти што беа регистрирани.
– Научниците тогаш побараа да се испита можноста за комбинирање на вакцини против Ковид-19, изјави Херис.
Француските власти неодамна донесоа одлука луѓето на возраст под 55 години, кои ја примиле првата доза на Астра Зенека, да бидат ревакцинирани со Фајзер или Модерна, врз основа на mRNK.
Одлуката се однесува на околу 533.000 луѓе во Франција, каде вакцинацијата со Астра Зенека за помлади од 55 години беше прекината на 19 март поради појава на ретка тромбоза во Европа, како несакан ефект од употребата на тој препарат.
Европската агенција за лекови (ЕМА) во средата објави дека индивидуалните случаи на згрутчување на крвта по имунизација со вакцината на Астра Зенека се „ретки несакани ефекти“ на вакцината и не можат да бидат поврзани со возраста, полот или историјата на болести.
Ставот на ЕМА е дека придобивките од вакцината се поголеми од ризиците.
Ново на Сител
-
Муцунски и Лами ја потпишаа Декларација за стратешко партнерство
-
Приведен 32-годишник од Струга, при претрес во неговиот дом пронајдена е дрога
-
Акциска контрола во угостителски објект во тетовско, приведени сопственикот и пет странски државјанки
-
Изминатите три дена 2490 сообраќајни прекршоци на територија на цела држава
-
Приведен 27-годишник од Гостивар за кражба на електричен тротинет
-
ЈП ЛАЈКА апелира до граѓаните да покажат грижа и одговорност кон милениците и бездомните животни
-
Муцунски во Лондон ќе ја потпише Декларацијата за стратешко партнерство со Обединетото Кралство
-
Активни три пожари, еден е под контрола, а 17 се изгаснати