СВР Тетово: Општината беше предупредена за незаконско поставување на столпчиња долж велосипедската лента
Тетовската полиција потврди дека има реагирано во Општина Тетово за незаконско поставување на столпчиња долж обележаната велосипедска лента со црвена боја, на булевар „Илинденска“, а кои денеска по налог на новиот градоначалник почнаа да се отстрануваат.
Велосипедската лента беше поставена во април годинава во време кога градоначалничка беше Теута Арифи. Полицијата два пати испратила предупредувања, по што покренала и прекршочна постапка.
-Секторот за внатрешни работи Тетово, во два наврати годинава, испрати соодветни писмени предупредувања законски да се регулира обликувањето на новата велосипедска патека во Тетово. И откако адекватно не е постапено по двете предупредувања, СВР Тетово во април поднесе барање за покренување прекршочна постапка против правно и одговорно лице, изјави Марјан Јосифоски, портпарол на СВР Тетово.
Велосипедската лента долж булеварот „Илинденска“ во април стана предмет на исмејување преку социјалните мрежи, бидејќи беа оставени бетонски препреки на самата површина, кои подоцна беа отстранети. Потоа истата беше инфраструктурно оспособена и беше користена од велосипедистите.
Ново на Сител
-
Мурал од Полска како вечен потсетник за поддршката на македонската ЕУ интеграција
-
Тема на денот со Имер Селмани
-
Фетаи и Алиу со ново крило во ВРЕДИ
-
ВМРО-ДПМНЕ го одби повикот на Филипче за лидерска средба
-
Креативна дипломатија во Виена!?
-
И покрај зголемените казни, пиротехника користена во спортска сала
-
ЕУ со хуманитарна трка за Кочани
-
Да не бидеме пасивни набљудувачи на врсничкото насилство