Струмичанец загина во тешка сообраќајка на патот Ново Село - Мокрино

На регионалниот пат село Ново Село-село Мокрино, струмичко, вчера околу 18.30  патничко возило „Тојота Корола“ со струмички регистарски ознаки, управувано од  Е.Д.(69) од село Мокрино, излетало од коловозот.

Притоа, со тешки телесни повреди се здобил возачот, кој бил пренесен во болницата во Струмица каде починал. 

МВЕ денеска соопшти дека увид на местото на настанот извршила екипа од СВР Струмица.