Стејт департмент: Тилерсон нема да поднесе оставка
Американскиот државен секретар Рекс Тилерсон нема намера да поднесе оставка, соопшти Стејт департментот. Соопштението е објавено синоќа по информации дека Тилерсон би можел да се повлече поради несогласување со Белата куќа.
– Тоа не е точно. Разговаравме со државниот секретар и тој беше јасен: има намера да остане овде. Уште имаме многу работа, изјави портпаролката Хедер Науер.
Скратениот распоред на Тилерсон го нарече „мал одмор“ по бројните состаноци во Европа и Персискиот залив во јули.
Откако ја презеде функцијата во февруари, Тилерсон е критикуван поради тајност во работата и проектите за намалување на буџетот на Стејт департментот за 30 отсто. Таму работат повеќе од 70.000 луѓе.
Си-Ен-Ен објави изјава на неименуван извор дека Тилерсон, поранешен шеф на ЕксонМобајл, е „фрустриран од мешањето на Белата куќа во процесот на именување негови соработници“.
Ново на Сител
-
Управен суд ја запре постапката за жалбата на коалицијата Вреди
-
Тема на денот со Јанаки Митровски, адвокат
-
Се крои владината коалиција со Вреди - ВМРО-ДПМНЕ веќе сама обезбеди 61 пратеник
-
Мицкоски во јавните настапи ќе користи „Македонија“ и „македонски“
-
Управен суд ја запре постапката за жалбата на коалицијата Вреди
-
Поради недоаѓање на сведоците одложено рочиштето за Пендиков
-
Корупцијата и неефикасната администрација - најголем проблем за германските инвеститори
-
Палчо ја помина првата вечер во притвор во „Шутка'', од неговата партија бараат биохемиска анализа на оброците