Српски адвокати ќе ја поднесат првата тужба за отштета од НАТО во име на болни од рак

Адвокатска канцеларија  од Ниш ќе ја поднесе првата тужба за надомест на штета против Северноатлантската алијанса (НАТО), во име на пациентите со рак, како последица на бомбардирањето на Србија со осиромашен ураниум во 1999 година, јави Танјуг.

Првата тужба ќе биде поднесена до Високиот суд во Белград, изјави адвокатот Срѓан Алексиќ за Танјуг.

Потоа, следуваат други тужби пред судовите во Врање, Ниш, Крагуевац и Нови Сад.

Во тужбата ќе се бара отштета поради заболување од карцином по труење со осиромашен ураниум на специфични клиенти, главно војници, полицајци или воени резервисти, кои беа во Косово или јужна Србија во 1999 година.