Средба на шефовите на дипломатиите од ЕУ, тема и Западен Балкан
– Министрите за надворешни работи од земјите-членки на ЕУ денеска во Луксембург ќе разговараат за односите со Западен Балкан, во контекст на средбата помеѓу високиот претставник за надворешна политика на ЕУ, Жозеп Борел и лидерите од регионот во ОН.
Според српската агенција Бета тие „ќе разговараат и за ситуацијата во северно Косово“, се наведува во подготвителната документ од седницата. Според извори на Советот на министри на ЕУ во Брисел, Борел треба да ги информира министрите за надворешни работи од Унијата за ситуацијата на Западен Балкан и пораките што ги добил од лидерите на регионот, вклучувајќи го и неодамнешниот самит ЕУ-Западен Балкан во Словенија.
Во Европската унија, според европските дипломатски извори, неодамнешната акција на косовската полиција и конфликтот со српските цивили на север предизвика сериозна загриженост, па високиот претставник Борел изјави дека „насилните инциденти во северно Косово мора веднаш да престанат … бидејќи тие се неприфатливи, еднострани и некоординирани потези што ја загрозуваат стабилноста “.
Во Њујорк, Борел доби потврда од американскиот државен секретар Ентони Бликен за позицијата на ЕУ дека сите спорови мора да се решат преку дијалогот Белград-Приштина и дека САД го поддржуваат проширувањето на ЕУ кон Западен Балкан.
Шефовите на дипломатиите ќе разговараат и за актуелните состојби во Унијата, Заливот, Етипоија и Никарагва.
Ново на Сител
-
Од понеделник нема да возат приватните превозници во Скопје
-
Трнливиот пат и бурите од Пакистан до Македонија на бегалецот Алириза Куреши
-
Прилепчани со велосипед од Цирих
-
Тема на денот со Сара Миленковска
-
Енергетски колапс: Црна Гора, Босна и Херцеговина и Албанија со часови без струја
-
Пеколни горештини - Пијте вода, внесувајте електролити, контролирајте го притисокот апелираат лекарите
-
Шетаат змии низ Скопје: Две лица за една недела завршија на Инфективна
-
Таравари во понеделник ќе ги разреши економските директори на здравствените установи