Средба на претседателот Пендаровски со делегација на вооружените сили Италија
Претседателот на Република Македонија, Стево Пендаровски денеска прими делегација на вооружените сили на Република Италија, предводена од генерал Енцо Вечиарели, началник на Генералштабот.
Претседателот Пендаровски, стои во соопштението од неговиот кабинет, истакнал дека ја цени досегашната соработка помеѓу македонската и армијата на Италија.
На средбата Пендаровски посочил дека очекува соработката на одбранбен план меѓу двете држави уште повеќе да се интензивира со полноправното членство на Македонија во НАТО Алијансата.
Шефот на државата Пендаровски подвлекол дека за припадниците на македонската армија од особена важност е да продолжи нивната доедукација и посетување тренинзи за усовршување на техниките во рамки на образовните институции во Италија.
– Посочувајќи дека и нашата земја и Армијата можат да понудат соодветни можности за италијанските војници, претседателот Пендаровски искажа верување дека соработката помеѓу двете Армии ќе биде подеднакво успешна, како што тоа е случај со соработката на Македонија и Италија на политичко и на економско ниво, се вели во соопштението од кабинетот на претседателот Пендаровски.
Ново на Сител
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија
-
Приведен тинејџер, полицијата кај него пронашла дрога
-
Поевтинуваат дизелот и Еуросупер БС 98
-
Судскиот совет го одложи утврдувањето на кандидатски листи за избор на двајца членови на Советот
-
Од среда променливо облачно и посвежо со повремен дожд
-
Вработените во Фондот за здравство утре ќе протестираат
-
Србинка барана по Интерпол уапсена на аеродромот во Скопје