Вработените во Фондот за здравство утре ќе протестираат

Вработените во Фондот за здравство утре во 11 часот излегуваат на протест, дознава Сител. Причина за незадоволството кај работниците е неусогласувањето на платите со растот на минималецот. Информацијата ја потврди претседателот на УПОЗ, Трпе Деаноски.

„Имаме 3 барања: усогласување со минималната плата, да се донесе вредносен бод и да се зачуваат тие плати што ги имаат вработените и веднаш да се разреши целиот управен одбор на фондот, да се донесат нови членови кои веднаш ќе заседаваат и ќе донесат одлука со која ќе се заштитат вработените во фондот за здравство“, вели Деаноски за Сител.
 
Ако протестот не вроди со плод, тогаш ќе се активира и штрајк.

Мартин Арсов