Спасовски на министерска конференција во Атина

Министерот за внатрешни работи Оливер Спасовски на официјална покана од грчкиот министер за цивилна заштита Панајотис Теодорикакос, денеска и утре ќе учествува на Министерска конференција во Атина, организирана во рамки на претседавањето на Грција со Процесот за соработка на Југоисточна Европа (ПСЈИЕ) во периодот 2021-2022 година.

Како што најавија од МВР, на маргините на конференцијата предвидена е и билатерална средба на министерот Спасовски со неговиот грчки колега Теодорикакос.