Спасовски: Министрите од СДСМ поднесоа оставки на функциите
Министрите и дополнителните заменици министри од СДСМ денеска поднесоа оставки од функциите во Владата на Република Македонија. Доколку остане во сила одлуката за распуштање на Собранието донесена на 18 јануари годинава бараме оставките претходно да се констатираат, соопшти денеска министерот за внатрешни работи Оливер Спасовски.
- Согласно Договорот од Пржино Владата во којашто учествуваме се формираше за организирање фер и кредибилни избори откако ќе се исполнат сите точки од овој договор, рече Спасовски во изјавата за медиумите дадена пред Владата на РМ.
Потенцира дека во Македонија нема услови за фер и демократски избори на 24 април. Тоа е, рече тој, директно потврдно и од меѓународната заедница од ЕУ и САД.
- Без прочистен избирачки список и без реформи за слободни медиуми нема услови за регуларни кредибилни избори, истакна Спасовски и додаде дека СДСМ нема да ги алиментира „неслободните и недемократски избори коишто ги најавува ВМРО-ДПМНЕ“.
Одговарајќи на новинарско прашање за Спасовски рече дека Договорот од Пржино е прекршен уште со, како што наведе, едностраната одлука на двете политички партии за распуштање на Парламентот.
На прашањето што доколку не им се констатираат оставките, Спасоски рече дека тие се во оставка од моментот на поднесувањето.
- Тие што ја донесоа одлуката за распуштање на Собранието имаат обврска да ги констатираат оставките од позициите што ги имаме, додаде Спасовски.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО