Спасов: 10 илјади евра грант за отворање приватна градинка

Десети ијади евра за отворање на приватна градинка. Преку дирекна финансиска помош , државата ќе ги мотивира инвеститорите да градат објекти за  згрижување и воспитување на децата. Оперативниот план за идната година предвидува средства за основање на 10 приватни градинки, во кои ќе се вработат околку 50 лица а  кои ќе згрижуваат  околу 500 деца. Со оваа мерка предвидено е да се зголемат постојните  капацитети за децата од предучилишна возраст.

- Планираме на почетокот на 2016 година да отвориме јавен повик да ги поттикнеме сите заинтересирани да аплицираат, а потоа врз основа на интересот кој ќе го изразат ќе бидат дефинирани приоритетите

Министерството за труд и натаму продолжува со инвестиции и отворање на нови градинки во општините.

- Ќе се реконструираат градинките „Мајски цвет“ во Тафталиџе 2 и со грант од Светска банка ќе се гради градинка во Бардовци. Останува да биде реконструирана уште градинката во Карпош 4.  Со ова практично сите градинки на територија на општина Карпош ќе бидат како нови

Во последниве години отворени се 26 приватни градинки кои згрижуават околу 1600 деца. Поволностите кои досега ги користеа инвеститорите од државата  беа  95 проценти пониски комуналии за градба.