Спасески: Вложувањето во младите е сигурна инвестиција во иднината
Директорот на Агенцијата за млади и спорт (АМС), Марјан Спасески изминатите два дена учествуваше на Глобален младински форум во седиштето на Организацијата на ОН во Њујорк, чија цел е подигање на свесноста за неопходноста од инвестирање во младински политики, како и имплементација на Одржливите развојни цели на ОН.
Како што информираат од АМС Спасески имал обраќање на министерскиот панел на тема „Обезбедување на неопходни средства и финансии за поддршка на младинскиот развој”, каде се осврнал на успешниот процес за креирање на Националната Стартегија за млади (2016-2025), како и активностите кои ги презема АМС за имплементација на целите и приоритетите во истата.
-Националната Стратегија за млади е резултат на едногодишен процес воден од страна на АМС, а финансиски поддржан од UNDP-мисијата во Македонија, во кој директно учествуваа преку 250 претставници од околу 75 невладини и младински организации и други релевантни институции, кои работеа заедно и ги дефинираа целите и младинските потреби за следниот десетгодишен период, информираше Спасески и потенцираше дека буџетот на АМС за поддршка на младинските активности за 2017 година е седум пати поголем во однос на претходната 2016 година.
Тој се осврнал и на процесот на воспоставување на Регионалната канцеларија за младинска сорботка (РИКО), чија основна цел е да ги поврзе и помири младите луѓе од Регионот.
На Форумот, Спасески остварил билатерални средби со неколку свои колеги, а ја посетил и постојаната мисија на Република Македонија во Организацијата на Обединетите Нации.
Популарно од Македонија
Ново на Сител
-
Франција регистрираше над 5.700 дополнителни смртни случаи за време на јунскиот топлотен бран
-
Ветерот го однесе знамето на Македонија од јарболот во центарот на Куманово, ќе биде поставено ново
-
Просечната нето плата во мај 49.544 денари
-
Сопственик на ресторан со две „Мишелин ѕвезди“ во Јужна Кореја се соочува со затвор оти послужувал мравки во десерт
-
ЕВН Македонија: Невремето ја оштети и дистрибутивната мрежа, 90 отсто од дефектите се санирани
-
Герасимовски: Кризниот штаб на Центар со итни мерки, се вклучуваат и куќните совети, теренските екипи работат во повеќе смени
-
Клиничка болница-Штип: Пациентите со скршеници од источниот регион да се транспортираат во другите болници
-
62-годишник силувал девојче кое не наполнило 15 години во Струмица
